الاسم: التائهه فى ظلمات الحياة
البلد: مصر
التصنيفات : خاصة,سياسة وأخبار,ثقافة وفن,تسلية وأفلام وتلفزيون,ديانات,الأسرة والأصدقاء,ألحان وأنغام
أظهر كافة المعلومات
| ► | نوفمبر 2011 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | ||
دائما ما اثور ولكن عملى علمنى ان لااظهر مشاعرى رغم انى لم اتقن تلك الموهبه الى الان ،الا انى دائما ما احاول تعلمها اثور على كل شئ اهلى عملى الذى اصبحت لااحبه رغم انها موهبتى وتعليمى ومهنتى ن اثور ايضا على اصدقائى رغم انى فى مرحله لم يتبق لى اى من الاصدقاء حتى من احب ولكنى لا اجروء مع كل هؤلاءعلى البوح بغضبى وثورتى عف
اغانى الصيف رغم انها بتتعمل دعايه للافلام الا انها بتتفوق على الافلام فى بعض الاحيان ويتلعب على وتر الاحساس ودى اهم مقاطع فى الافلام وجدت انها قريبه منى
عجميستا عمرى ايه مدحت صالح _ ايهاب توفيق
عمرى ابه قبل الليله دى عمر ضايع عمر فاضى واللى عشته من حياتى ورقه فاضيه وقلم
جوة منى كتير معانى والحياة مكدبانى انا نفسى اقول واصرخ بصوت نفسى اتحدى زمانى احلام كتير متكسرة والسنين متنطورة نفسى الاقى فيا نفسى نفسى يتحقق كيانى
اما انا فحكايتى قصه من هروب لهروب ولسه لسه بحلم يوم بمرسى ومركبه وحضن وصبيه
ليه حياتى شايفها سد مش مهمه لاى حد بس انى اعيش ولا يبقى كتير عليه
جوة منى كتير معانى والحياة مكدبانى انا نفسى اقول واصرخ بصوت نفسى اتحدى زمانى احلام كتير متكسرة والسنين متنطورة نفسى الاقى فيا نفسى نفسى يتحقق كيانى
الشبح سألت نفسى احمد سعد
سالت نفسى كتير مرستش يوم على بر انا اللى فيا الخير والا اللى فيا الشر
مليان عيوب ولا خالى من الذنوب ولا ايه
ولا انا جوايا ومش دارى الاتنين فى بعض وخمسميت حاجه وملهومش دعوة ببعض
ولا انا جوايا ومش دارى الاتنين فى بعض وخمسميت حاجه وملهومش دعوة ببعض
البلياتشو مدحت صالح
قرب جرب قرب هنا مش بنهرج الدنيا بقيت سيرك واللى ما يشترى يتفرج
الدنيا دى فيها كام بلياتشو الزمن لطشوا قفا حرقه بجاز الزمن وعدة اقام صدق هتشه واهى ضربت شقلباظ
عندما كنت ابحث فى بعض المدونات وجدت ان اكثر التعليقات والمداومه على القراءة هى المدونات التى لها علاقه بالحديث عن الجنس او المثليه الجنسيه ونرى تأييد وهجوم الاهم هو عدم القدرة على النقاش و المحاور بجد والكلام على ضمانتى الشواذ والسحاق كتروا اوى اوى ودة دليل على انه
ياشعبي حبيبي يا روحي يا بيبي
ياحاطك في جيبي يابن الحلال
ياشعبي ياشاطر ياجابر خواطر
ياساكن مقابر وصابر وعال
ياواكل سمومك يابايع هدومك
ياحامل همومك وشايل جبال
ياشعبي اللي نايم وسارح وهايم
وفي الفقر عايم وحاله ده حال
احبك محشش مفرفش مطنش
ودايخ مدروخ واخر انسطال
احبك مكبر دماغك مخدر
ممشي امورك كده باتكال
واحب اللي ينصب واحب اللي يكدب
واحب اللي ينهب ويسرق تلال
واحب اللي شايف وعارف وخايف
وبالع لسانه وكاتم ماقال
واحب اللي قافل عيونه المغفل
واحب البهايم واحب البغال
واحب اللي راضي واحب اللي فاضي
واحب اللي عايز يربي العيال
واحب اللي يائس واحب اللي بائس
واحب اللي محبط وشايف محال
واحبك تسافر وتبعد تهاجر
وتبعت فلوسك دولار او ريال
واحبك تطبل تهلل تهبل عشان
مطش كوره وفيلم ومقال
امتحانات امتحانات
انا اسفه للتوقف عن الكتابه امتحانات وكل سنه وانتو طيبين وبما انى طالبه فى الليسانس وفاشله جدا ومن بتوع مذاكرة اخر 10 ايام اسفه جدا على
عمنا كلنا ورئيس مجلس الشعر المعارض لنظام فى مصراحمد فؤاد نجم
قصيدة فى عيد ميلاد الرئيس حسنى مبارك
سيدي الرئيس
في عيد ميلادك الكام وسبعين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين
طاطى طاطى
لما حاميها يكون حراميها .. وبلاده ورا ضهره راميها .. طالع نازل واكل فيها .. مسنود بالبدلة الظباطي طاطي راسك طاطي طاطي .. انت ف وطن ديمقراطي
لما شقاك يصبح مش ليك .. فقرك سد السكة عليك تتلفّت تلقى حواليك .. إما حرامي و إما عقاطي طاطي راسك طاطي طاطي .. انت ف وطن ديمقراطي
لماتلاقي بلاد الدنيا .. فيها البني آدم حاجة تانية .. وانت في الطبقات الدنيا .. قرد مسلسل أو وطواطي طاطي راسك طاطي طاطي .. انت ف وطن ديمقراطي
لما الجهلة يبقوا أمامك .. أو فوقك ماسكين ف زمامك .. ويسوقك ع الهلكة إمامك .. تشرب م السم السقراطي طاطي راسك طاطي طاطي .. انت ف وطن ديمقراطي
لما الكلمة تكون بتدينك .. لما تخبي ف قلبك دينك .. لما الذل أشوفه ف عينك .. هات إحباطك على
الحرنكش
ورقة من ملف القضية
إنت شيوعي
أنا مصراوي
إنتو مصايب إنتو بلاوي
ممكن أعرف مين الأول بيكلمني
إحنا نيابة أمن الدولة
دول مين
دولة مصر
مصر العشه ولا القصر
أيوه حنبدي ندور ونلف حاجه تنرفز خالص
إف
مالك … شايل طاجن خالك
لم لسانك ما تخرفش
أنا ما اقصدش اهانتك طبعا
أيوه استعبط
لاما اعرفش
إيه رأيك في سفارة كوريا
إيه رأيك في قضية مصر
مصر ف وحده
هى وسوريا وليبيا ولازم ييجي النصر
ييجي منين وازاى ولمين
آدى كلام الشيوعيين
أنا من حقي
حق ف عينك
أنا بتكلم بيني وبينك
يعني كلام بره التحقيق
إذا كانش يسبب لك ضيق
طيب قول
مين مسئول ؟
مين مسئول عن إيه يا إخينا
ع إللي جرى لنا ف غزه وسينا
أنت شيوعي أكيد وطاوعني
فض دمغك من دي قضيه شعبنا جاهل
مهما تقول له
مش حيآمن بالشيوعية
ما الشيوعية فى فيتنام
إيه رأيك فيهم يا همام
مش بطال مش بطال
لكن إحنا .. ورانا عيال
طب ما نحارب لجل عيالنا
يطلعوا أسعد من أجيالنا
إنت الظاهر مخك فاضي
وحتتعبني معاك ع الفاضي
وأنا بحبحت معاك بكفايه
إبقي اتفلسف عند القاضي
هى قضيه ؟
لأ ملوخية
أمال فاهم إيه آمال هى الدولة دى لعب عيال
ممكن أعرف أنا هنا ليه
أيوة حتعرف
أمال إيه
يوم خمسه وعشرين الماضي
إيه مشاك عند التحرير
تحرير إيه يا جناب القاضي
أنا مش فاضي
بكره تصير
بطل غلبه وجاوب دوغري
أنا غلباوي كده من صغري
كل الشيوعيين أمثالك
آخر غلبه وقله ذوق يحصل إيه لو تمشي ف حالك
فاكر نفسك مين
ما تفوق
لو راح افوق
مش من مصلحتك
أنا معجب جدا بصراحتك
إيه رأيك فى حكايه الطلبه
حاجه عظيمه بشرة خير
إنت دماغك ينفع جزمه
وانت لسانك ينفع سير
إخرس قطع لسانك سافل
كتر خيرك
مخك قافل
مين وداك بقي عند الطلبه رايح ضمن المندسين
رحت أناقشهم واسمع منهم
تسمع منهم إيه يا سي طين
دول عايزين الدنيا تولع علشان أصلا
مش فاهمين
هى الحرب يا عالم لعبه
دى بتتكلف بالملايين
وأنت حتدفع إيه من جيبك
امال ح ادفع من جيب مين
إنت حمار وخدوك فى مشمك رحت هناك زى الباقيين
عاملين لجنه
وقال وطنيه
مش ممكن دول وطنيين
وجماعة أنصار
ياعينى عليها شاديه وكانت بتغنى ومندمجه جدا وعماله تهز راسها ومصدقه نفسها وبتقول سينا رجعت كامله لينا ومصر اليوم فى عيد مصر اليوم فى عيد سؤال هى سينا رجعت كامله لينا ؟ وهو احنا نقدر نحط جندى من غير ما نستأذن الاسرائبين ولانعمل اى شئ من غير ما نستأذنهم كل دة رغم مرور 25 عام على الانسحاب ولم نأخذ حقنا كامل بل وتتتباهى اسرائيل بفيلم الاسرى وتطالبنا الدوله بالتطبيع طبعا معظم من يتصفحوا النت من ا
ليه معظم مثقفين مصر بيكرهوا الاخوان وليه على طول بيقولوا انهم لو وصلوا للحكم هيحولونا لدوله اسلاميه وكل الستات هتقعد فى البيت وهتتنقب والحريات هتتلغى والاغانى والمزيكا طيب انا نفسى اسال سؤال لو احنا مش عاوزين جمال مبارك ولا الاخوان والاحزاب طبعا ملهاش لازمه ومجلس الشعب منافقون طبعا منافقون وبكدة لازم يكون فيه حد المفروض يحل محلهم طيب مين فى مصر الواحد
اول قضيه هتكلم فيها هى الحريه المطلقه اى حد يعمل اى حاجه فى اى وقت طالما هو مبئذيش الاخرين واحنا برضه لينا الحق فى اننا ننصحه ودة المفروض اننا نطبقه ودة بيحصل فى مجتمعنا كتييييييييييييييييييييييير بمعنى اننا وبنصور ونرفض اننا ندى الحق لللناس التانيه وبنديه لنفسنا ازدواجيه الشخصيه اللى دايما بنعانى منها ودة فى رايى اللى بيفرقنا عن الغرب اللى انا معجبه انه بيدى حريه وبيعلم كويس وبحترم التعليم اللى مبقاش موجود فى بلدنا
البهائيه فى مصر
احنا بنقول لاء منعترفش بيهم كل واحد حر فى ديانته وطالماهما معتقدين ان العقيدة دى ديانه مش هيقلللوا المسلمين ولا المسحين ولا
